Slobodna Vojvodina

Rusnak · Poslao: Sub Sep 27, 2008 9:15 am Naslov: Novi skolski naprjam u Keresure

27. септембер 2008. (Рутенпрес) – До керестурскей ОШиҐ "Петро Кузмяк", зоз Покраїнского секретарияту за образованє сцигло урядове Ришенє з котрим утвердзене же тота Школа сполнює условия за отверанє нового образовного профилу - “туристични технїчар”. Спрам того Ришеня, керестурска ОШиҐ сполнює условия у поглядзе простору, опреми, наставних средствох и потребного числа наставнїкох и фахових сотруднїкох за початок роботи и окончованє дїялносци образованя и воспитаня у подручу роботи - тарґовина, погосцительство и туризем, за образовни профил "туристични технїчар", у штиророчним тирваню.
Як явносци познате, ОШиҐ "Петро Кузмяк" ище концом прешлого рока Покраїнскому секретарияту послала вимогу, з потребним елаборатом, за формованє нового образовного профилу - "туристични технїчар", медзитим, нови образовни профил нє вошол до мрежи штреднїх школох за школски 2008/2009. рок на уровню Републики Сербиї.
Як гвари директор ОШиҐ "Петро Кузмяк" Янко Хома, кед би тото Ришенє з Покраїнского секретарияту сцигло пред уписом до штреднєй школи, уж того року могло уписовац школярох до нового образовного профилу.
Як гвари Хома, на основи того ришеня з Покраїнского секретарияту за образованє, уж идуцого школского року, попри до оддзелєньох Ґимназиї общого напряму, Школа почнє и упис школярох до єдного оддзелєня за професию "туристични технїчар".
_________________
Bogu fala sto sam Lala

xicotrute · Poslao: Sre Okt 01, 2008 10:03 am Naslov:

Ljem teljo ze bulo zaplanovane naj tot naprjam budze po ruski, a do konca teraz vihodzi ze hodno ljem po serbski. Ckoda, holjem toto mohlo pricahnuc vecej ruskih skoljaroh do RK, tj. vecej bi bulo tih co strednje obrazovanje zdobuvaju po ruski. A tak dosc budze tih z Kocura, Djurdjova itd. co su Rusnaci, a skolovac se budu po serbski...
_________________
Keresturec u Beogradze